من قبل
محمد ابوزيد هدايه حسن , Digital Marketing & social media marketing & Google AdWords , الكثير من الشركات فى التسويق العقارى والسياحى
اتكلمنا قبل كده عن اهميه استخدام ال Social media فى اى Business
و ازاى ال Social media وجودها الاساسى عشان تخلى ال Customers يحبوك مش عشان تبيع
قلنا قبل كده كمان ان "ال Social media ليها طابع اجتماعي ده معناه ان لو brand عايز يشتغل بال Social media صح لازم يدخل في الحياه الاجتماعيه بتاعت ال Customers"
و ده يخلينا نسال سؤال مهم جدا (ازاى ادخل فى حياه ال Customers بتوعى )
عشان اقدر ادخل حياه ال Customers و عشان اقدر اكسب حبهم ليا ... لازم يوصلهم احساس انى عايش معاهم .. بتمر بنفس الظروف الى هما بيمروا بيها ... انا انسان مش robot !!!
بمعنى ابسط ... ممكن جدا اتكلم على الاحداث اللى فى البلد ... رمضان قرب .. العيد جه ... شم النسيم ... فالانتاين .. و هكذا
ده بيقرب ال Brand لل Customers جدا و بيفهموا انه انسان زيه زيهم و بيستوعبوا انهم ممكن يصاحبوة ... و هيبقى فعل منطفى جدا ليهم
لكن فى نقطه تانيه مهمه ليها علاقه بالاحداث الجاريه !!! اجتماعيا معروف جدا اننا لو بنتعرف على حد جديد المفروض نتجنب الكلام تماما فى ثلاثه مواضيع .... ايوة بالزبط هما دول (دين- سياسه-كوره)
تعاول نحلل ببساطه دلوقتى حالا الوضع عامل ازاى....
مظاهرات فى التحرير .. رابعه العدويه ... الاسكندريه و لو قلبت عندك على ال Home شويه هتلاقى ان معظم الناس بتتكلم فى السياسه ... ان مكانش كلهم ....
و فجاه لقيت Cocacola منزله Post بتقول "شوفوا حماقي و هو بيغني مع كوكاكولا! دوس لايك لو عجبك الفيديو "
فتحت اللينك و قلبت شويه فى الصفحه لقيتها كلها افرح و مسابقات و الماتش النهائى للفريق الفلانى .... و مفيش اى حاجه عن "المظاهرات فى مصر"
مش هتحس ان فى حاجه غلط ؟؟؟ هيوصلك علطول احساس ان انت فى عالم و Cocacola فى عالم تانى منفصل تماما عن عالمك ... حتى لو واصلك احساس انها بني ادم مش robot هتقول نفسك هو بني ادم ايوة بس مش عايش معايا مش بيمر بنفس الظروف اللى بمر بيها .. نظرتك ليهم هتتغير ... حبك هيقل ....
تخيل بقى لو دخلت صفحتهم و بردوا مع كل الفرحه الموجوده فيها لقيتها عملت زى Philips و نزلت Post بسيط جدا فيه علم مصر و بتقول "حفظ الله مصر و شعبها" و كان تعبيرها بشكل محايد ...
هتحس ناحيتهم بايه ؟؟؟
عرفت دلوقتى امتى هنتكلم فى السياسه و الدين و الكورة ؟؟؟
لازم انا ك Brand على ال Social Media اتكلم فى اى احداث جاريه تربطنى بال Fans h او ال Followers حتى لو سياسيه .. لكن من غير ما ادخل فى تفاصيل و اكون محايد !
