أنشئ حسابًا أو سجّل الدخول للانضمام إلى مجتمعك المهني.
عبارة عن مجموعة من الأوامر، تكتب وفق مجموعة من القواعد تحدد بواسطة لغة البرمجة، ومن ثم تمر هذه الأوامر بعدة مراحل إلى ان تنفذ على جهاز الحاسوب
بسم الله الرحمن الرحيم
مه لو حتبتدي بداية البرمجه من بدايتها يبقى نبتدي من القصه من الاول وحده وحده الاوامر بتاعة البرمجه بتبقى عباره عن اكواد زي مورس كود ( mores code ) كده مخترع التلغراف يعني اصفار ووحايد مركبه بطريقه معينه عشان لما تدخل في البرسيسور ( Processor ) يفهمها لأن البرسيسور مبيفهمش غير اصفار ووحايد , الاكواد دي ( الاصفار والوحايد ) بتوضع في الرامه بالترتيب ورا بعضها في بلوكات تحت بعض كأن الرامه مخزن بيتحط فيه بضاعه فوق بعض ( تشبيه تقريبي ) وبعد متتحط الاوامر تحت او فوق بعض بترسل الى البرسيسور او بيستدعيها البرسيسور وبعديها بينظر البرسيسور لكل بلوك من الاوامر ويفسره وينفذ معناه , الاوامر دي في بدايات صناعة الكمبيوتر كان الانسان بيدخلها يدوي واحده واحده يعني مثلا (تشبيه تقريبي) لو عايز اعمل جمع لرقمين حبعة و بعديه و بعديه وده معناه اجمعلي رقم + رقم ( تشبيه تقريبي ) لرؤية الصوره او الشكل الصحيح للارقم المدخله فعليا انظر الشكل التالي
, طبعا بعد كده الانسان اتطور يعني مش معقول حيفضل يدخل الارقام يدوي بالطريقه دي فعمل الرامه وبقى يحط الارقام دي وره بعض في الرامه وتتنفذ اتوماتيك بالترتيب , بعد كده الانسان اتطور لانه مش حيعد طول النهار يحط في برنامج اصفار ووحايد فحول الادخال الى طريقه بالكتابه يعني ابتدى في عمل الكيبورد وبدل ميدخل الارقام اصفار ووحايد بقى يدخل مثلا عملية الجمع1+1 كانه بالضغط على رقم واحد بيدخل والبضغط على + كانه دخل وبالضغط على1 كانه دخل وبعديها الامر اتطور شويه لانه مش الجمع هو المطلوب من اكمبيوتر فحول الجمع لاكواد زي ADD01 ,01 ودي بدايات الاسمبلي او لغة الاسمبلي ( انظر الشكل2 لمثال بلغة الاسمبلي Assembly Language )
واللغه دي بالاساس هي الي بيضعها وبيضيف ليها وبيطورها الي شغلين على تطوير البرسيسورات زي شركة انتل ( Intel ) وشركة اي ام دي ( AMD ) وطبعا في شركات تانيه بس بتشتغل في حجات تانيه لو عايز تدرس الاسمبلي او لغة الاله يبقى يامى عايز تطور برسيسور يامى عايز تبني لغة برمجه من البدايه للنهايه زي الجافا او السي ++ , اي لغه زي السي تسمى لغه ذات مستوى اعلى ويتم وضع كلمات مفهومه للانسان فيها بشكل اكبر كمثال كلمة if وهي تعني لو , كمثال لو كان صح اعمل التالي ولو كان خطا اعمل التالي , وده يعتبر اسلوب ارقى في الفهم للانسان وهذه اللغات مركبه من جمل ثابته يفهمها الانسان بشكل ارقى ليتعامل مع الكمبيوتر , طبعا الجمل دي بعد ما بنعمل البرنامج الي عيزينه بيتم تحويلها بواسطة برنامج مخصوص الى لغة سابقه ذكرنها وهي الاسمبلي ( البرنامج المحول ده هو ال compiler , وفي برنامج اخر اسمه انتربرتر Interpreter) وبعد متتحول للغة الاسمبلي بتحول بواسطة الاسمبلر (برنامج خدمي utility service program ) الى لغة الاله , طبعا الكمبيلر ده ليه انواع مختلفه حسب اللغات و الانتربرتر برضه مختلف حسب اللغه الي بيترجمها , الفرق بين الكميلر والانتربرتر ان الاول بيحول البرنامج دفعه واحده الى لغة الاسمبلي او الى لغة الاله مباشرة اما الانتربرتر فبيحول سطر سطر كانه مترجم فوري ( جمله جمله زي المترجميين الفوريين بالضبط ) اللغات ما قبل الكمبيلر والانتربرتر بتسمى اللغات ذات المستويات العليا ( high level language ) واللغات ما بعد الكمبيلر والانتربرتر تسمى لغات المستوى المنخفض ( low level language ) , اللغات الي بتتعامل بالكمبيلر اشهرها سي ++ والجافا والدوت نت واللغات الي بتتعامل بالانتربرتر زي الب اتش بي وبيرل , اذا عشان تتعلم لغة برمجه لازم تعرف كل الجمل الخاصه باللغه الي انت عايز تتعلمها , واذا كنت عايز تعرف اساسيات كل اللغات البرمجيه الحاليه لازم تتعلم لغة السي الام وليسة السي ++ , وبعدها تتعلم السي ++ وحاجه معاها اسمها ال DATA STRUCTURE ده هو الاساس وساعة متعلمتهم انا كنت مستغرب ليه بتعلم الاتنين دول ومتعلمتش في البدايه لغة دوت نت او الجافا وبعد كده اكتشفت ان الرجوع للاصول وجعلها مرجع اساسي ليك حيسهل عليك فهم كل اللغات البرمجيه التانيه بس لازم يكون عندك صبر وطولة بال ورغبه في التعلم من اي انسان وفي كل وقت وحتى لو عمرك مية سنه , وخلي كتابين اساسيين مرجعيين ليك وهما C و DATA STRUCTURE ولو حاولة تتعلم معاهم في نفس الوقت احدى اللغتين جافا او دوت نت بالتوازي حتلاقي نفسك بتفهم حجات كتير جدا غيرك مش حيفهمها , ملاحظه الارقام الي وضعتها في البدايه زي مش هي الارقام الي بتوضع
بالظبط طبعا لان ده علم لوحده كبير جدا يعني دي ارقام تسمى8 بت وبتكون البايت ودي كانت في البدايه ودلوقتي استبدلت ب64 بت
