في كورسات لما الواحد بياخدها بتفرق معاه كتير جدا وبتبقي نقط في صالحو قدام المنافسين ليه في المتقدمين لنفس الوظيفة في نفس الشركة
زى مثلا ال communication skills دى مهمة جدا في مجالنا ده عشان احنا بنتعامل مع كذا فئة ولازم نعرف كويس النظام المتبع في التعامل مع كل الفئات دى من اول مدير المشروع مرورا برؤساء القطاعات و المهندسين الزملاء ثم المشرفين وانتهاءا بالعمال
فمدير المشروع ده كبير الكل ولازم يتعامل بطريقة معينة والاعتراض يكون بصيغة وشكل وطريقة القاء معينة غير رؤساء القطاعات فهم مديرين برضو بس لازم التعامل يكون بطريقة نضمن بيها لمدير المشروع الحفاظ على هيبتو وكده ومع كده لازم يكون التعامل باحترام برضو مع المديرين دول
والزملاء بيبقي التعامل براحتنا باه مع العمل بالمقولة ( حرص ولا تخون ) لان مجالنا مينفعش فيه ندالة خاااالص والا الكل هيضيع
والمشرفين دول ناس تحت منى على طول في الهرم الادارى للمشاريع وانا اللى بكلفو يعمل ايه وكده ولازم العلاقة تكون طيبة وكده عشان المشاكل مش في صالح ايا مننا
ونيجي بأه للعمال وهم دول اللى تتعلم معاهم فن التعامل فعلا ولازم تتعلم ازاى تخليهم يعملولك الشغل اللى انت عايزو منهم بالظبط عشان بيحبوك وبيحترموك مش عشان بيخافو منك او بيهابوك لان لو حصل ده قدام هيحصل مشاكل لانك مش متواحد على ايديهم على طول
فموضوع فن المعاملات ده مهم جدا عند اى مهندس مدنى ودايما بينفردلو حديث خاص في الانتر فيو يقيس فيه قدراتك ويوصفلك موقف ويقولك هتتصرف ازاى و اجاباتك هى اللى هتحدد مصيرك في الشركة دى
تانى حاجة فيه مجال اسموه management اللى هو ادارة المشروعات وهو علم موجود في كل المجالات ولكن في مجال الهندسة المدنية الموضوع بيختلف لاعتماد الادارة والجدولة الزمنية على عدة عوامل مش موجودة في اى مجال تانى زى مثلا الموارد من خرسانة وخشب وحديد وكده والكلام ده لو مش موجود هيأثر على مدة المشروع واحنا بنبقي ملتزمين بمواعيد تسليم ومواعيد افتتاح وكده
واللى بيمتهن المجال ده بيعدى بصراحة لان العالم كلو بيتجه لأدارة المشروعات والجدولة الزمنية لان المهندس اللى بيشتغل الحاجات دى ممكن لو دماغو كويسة وشغالة هيوفر ملايين عالشركة
فالمهندس المدنى اللى بياخد كورسات في برامج الجدولة الزمنية زى ال primavera او ms project وبياخد مشروع management في بكالوريوس لما بيتخرج بيتكلم في كراتب اساسي لحديث التخرج
وفي دورات مستقلة لادارة المشروعات زى دبلومة الPNP العالمية واللى واخدة حق تدريسها في مصر الاية يو سي بسسسس والدورة دى بتتاخد في6 شهور لمدة6 ساعات في اليوم بيوم واحد اجازة في الاسبوع والدورة دى ب جنيه والامتحان فيها في اخر الست شهور ب لوحده
طبعا ارقام خيالية بس مش هتبقي خيالية لما تعرف انك لما بتاخدها وتشتغل في الشركات الكبيرة طبعا لان واحد خد الدورة دى مش هيشتغل في اى شركة بالعكس دى الشركات الكبيرة هى اللى بتسعي لضمه لقوتها العاملة وساعتها بيبقي بيتكلم في يعنى بيجيب فلوس الدورة وزيادة في اول شهرين شغل
بس طبعا مثبطين العزيمة اللى بيقولو ان مصر متأخرة مدنيا وان الجدولة والكلام ده لسه بدرى عليه وكده طبعا الكلام ده كان زمان وزمان ده يعنى من سنة ولا اتنين انما مع الطفرة اللى حصلت في اخر سنتين دول الفكر اختلف تماما
وكفاية تعرفو ان مشروع مدينتي في المرحلة الأولى منه تم ضم مهندس مدنى جديد على القوة العاملة لمجموعة شركات طلعت مصطفي
فمفيش دلوقتى مهندس مدنى بيقعد اكتر من اسبوع في بيتهم بعد التخرج وده مش لانتظار موافقة شركة عليه لا طبعاااااااااااا ده بيكون عشان يقرر هو هيشتغل في انهى شركة من الشركات اللى قبلتو وانهى مستقبلها احسن وكده
