كيفية حساب تكاليف المواد المصنعة فى المطاعم مثل اللحوم و المعجنات ؟

مع احترامى للاغلب الردود لكن احتساب تكلفه المواد المصنعه فى المطاعم لها طريقه اخرى 

فلا يتم احتساب الاجوار او تكاليف النقل 

البدايه بتكون بعمل ريسبى للمنتج مثلا بيتزا كمحاسب تكاليف بتطلب من الشيف يعملك ريسبى اللى هو يديلك ورقه مكتوب فيها مكونات البيتزا كالتالى مثلا 

• ملعقة طعام من زيت الزيتون.
• 1/2 بصلة مفرومة متوسطة الحجم .
• بقدونس .
• 1 فص ثوم كبير مفروم.
• 1/4 ملعقة صغيرة من الزعتر الجاف .
• صلصة طماطم .
• جبن موزاريلا حسب الرغبة .
• 1/4 ملعقة صغيرة من الخميرة الجافة .
• نصف كوب دافئ (حوالي  درجة) المياه .
• نصف كيلو دقيق.
• ملعقة صغيرة ملح .
• فلفل أسود مطحون وملح

يبدء دورك كمحاسب تكاليف بانك بتسعر المكونات دى ***

الشيف بيديلك الريسبى وانت كمحاسب تكاليف بتحط الكوستنج بتاعها بلغه بتوع التكاليف او بتعملها تسعير ***

متداول ان محاسب التكاليف بيعمل الريسبى والمقصود انه بيحط التكلفه وليس الريسبى نفسه ***

ده توضيح علشان تكون فاهم لغه السوق وماتدخلش فى جدال مع حد لو قالك محاسب التكاليف بيعمل الريسبى انت بتكون فاهم انك هاتحط التكلفه بس هم بيسموها انك بتعمل الريسبى المهم 

بتشوف مثلا كيلو الدقيق عامل كام وانت بتستخدم فى البيتزا المرغريتا نص كيلو يبقى تكلفه الدقيق كذا وهكذا مع باقى المكونات وتجمع تكلفه كل المواد المستخدمه وفى النهايه بيديلك تكلفه المنتج ****

ملحوظه لا يتم اضافه تكلفه اجوار الى سعر المنتج لانك ماتعرفش هاتبيع كام قطعه وعلى اى اساس هاتوزع الاجوار فهو غير دقيق اضافه الاجور الى تكلفه المنتجاتفى المطاع

والوضع يختلف لو ده مصنع وقتها ممكن تضيف تكلفه الاجور

انما المطاعم والمحلات لا تضيف تكلفه الاجور الى المنتج وانما تعالج الاجور محاسبيا فى مرحله اخرى

 المهم انت كده عرفت تكلفه كل منتج كام بيتزا او شورما او فراخ متبله الخ

هاتتبع نفس الاسلوب انك تعمل ريسبيهات لكل منتج

 وعليه تبدء تراقب الصرف لمراكز التصنيع وتراجع المنتجات الخارجه منه وهل هى مظبوطه ولا فيه سرقه بتحصل

 نفس الموضوع على المخازن انت عارف رصيد المخزن كام وكام مشتريات وكام صرف فتقدر تعرف الرصيد اخر المده وتكتشف اى سرقه او تلاعب

 والمنتجات دى بيتم بيعها راقب المنتجات المصنعه كام وكام تم بيعه وباقى كام لم يتم بيعه برضه للاكتشاف اى سرقات التكلفه الشهريه بيتم حسابها بمعادله رصيد اول المده + المشتريات - رصيد اخر المده  = الاستهلاك بيسموه كونسبشن الاستهلاك / المبيعات = التكلفه الشهريه بيسموه الريكونسليشن دى اللى بيحصل فى تكاليف المطاعم وهو نفسه تكاليف الفنادق باقى عليك انك تسطب شغلك وتعمل الريسبيهات وشيتات اكسيل بارصدتك او لو فيه برنامج بتنزل عليه الحاجات دى واى استفسار انا تحت امركم ده رقمى واتسولو فيه اى نقد بناء او تعديل انا اقبل النقاش المحترم للافاده الاعضاء 

اولا لحساب التكلفة يتم وضع رسبي للايتم 

ويجب علينا التفرقة بين الرسبي والسب رسيبي في حساب تكلفة طبق 

بعد حساب التكلفة يتم تحديد سعر البيع وتحديد سعر البيع له مدرستين 

تحديد سعر البيع بغض النظر عن المنافسين او وضع المنافسين في الاعتبار 

فمثلا

تكافة طبق فيليه  بيبر صوص 60 جنيه 

تم حساب ال 60 جنيه علي حسب المكونات 

هنقول ان انا مثلا ال food cost عندي 30 % 

فيكون حساب سعر البيع = 60 / 30 % = 200 جنيها 

ولذلك بعض الاماكن ممكن يوصل ال food cost عندها ل 35% او 40 % للوصول لسعر تنافسي 

اما الربحيه =سعر البيع - التكلفة

الربحية = 200 - 60 = 140 جنيها 

ده شرح مبسط 

اولا حساب المشتريات اجمالى و يتم حسب الكميات المطلوبة لعمل المنتج ثم يتم طرحه من اكل لاصناف كلاعلى حدى من اجمالى المشتريات 

ثانيا يبين المجموع الناتج عن تكلفة المنتج المستخدم و يتم جمع نسب الادوات المستخدمة لعملة و نسبة الايدى العاملة  ثم يبين لنا نسبة ماؤية ومن خلالها يتم حساب السعر النهائى

بخصوص تكلفتها ، فلها اجراءات لا تخرج عن اساسيات التكاليف ، وتتميز أن انتاجها لا يخزن ، اي انه لا يوجد محزون تام وغير تام مثل القطاعات الانتاجية الصناعية الاخرى التي تأخذ نمط التخزين . فقط يستخدم مخزون الخامات ( وتسمى مخزون الاغذية ، ومخزون المشروبات ) وهي الخامات فقط .