Register now or log in to join your professional community.
السلام عليكم
تحياتى اخى الاستاذ المحترم
أتفق مع رأى الأستاذة عايدة , و بما اننى لست متخصصاً لا أستطيع تقديم إضافة
تحياتى و احترامى
شكرا على الدعوه الكريمه من سيادتك ... بس بعتذر علشان دا مش تخصصى ...
المالية تعني حساب الربح والخسارة والعوائد ،الحكومية هي الحسابات النهائية الشاملة
حسناً، لنرىكيف تعمل وزارة الماليّة والمؤسسات الحكوميّة - عند بداية تشكيل الحكومة، على وزارة الماليّة أن تقدّم مشروع الموازنة الى التواب - لذلك بالتنسيق مع معظم الوزارات، تقوم بحساب المدخلاات أي أموال الضرائب وأرباح التصدير والتمويل والمساعدات وغير ذلك من الايرادات التي تضاف الى خزينة الدولة - ثم تطرح ذلك من المخرجات أي الاستيراد ، دفع الرواتب ، تكاليف المشاريع وصيانة البنى التحتيّة وغير ذلك - وهكذا ، تقدّم وزارة الماليّة مختصر هن الأرباح أو العائدات المتوقعة أو تعلن عن عجز بالموازنة وتحدد نسبة العجز
من هذا المنطلق، المحاسبة هي نالمحاسبة وما الدولة والمؤسسات الحكوميّة سوى مؤسسة على مستوى الوطن أي لا فرق بين الاثنين سوى أن واحدة معنيّة بالشأن الخاص والأخرى معتيّة بالشأن العام
نظراً أنه ليس تخصصي فأنا أتابع أراء السيدات و الساده الزملاء
تقديري و تحياتي
أوجه الشبه بين المحاسبة الحكومية والمحاسبة المالية: 1) الاتنين بيستخدموا نفس المصطلحات المحاسبية والمسميات المحاسبية زي مصطلح المصروفات والايرادات والاصول والخصوم. 2) الاتنين بيستخدموا نفس وحدة القياس وهي النقود وده عشان يعرفوا يحددوا حجم كل من الاصول والخصوم والمصروفات والايرادات. 3) الاتنين بيستخدموا القيد المزدوج في تسجيل العمليات المالية في السجلات والدفاتر. 4) الاتنين بيقوموا باعداد التقارير المالية عن سنة مالية انتهت. ودول اهم نقاط التشابه بين المحاسبة المالية والمحاسبة الحكومية. – أوجه الاختلاف بين المحاسبة المالية والمحاسبة الحكومية: 1) الهدف مش واحد: يعني الشركات بتستخدم المحاسبة المالية عشان توفر معلومات تعرف منها هي كسبت ولا خسرت وكذلك ليها إيه وعليها كام، أما المؤسسات الحكومية بتستخدم المحاسبة الحكومية مش المالية لأن هدفها مش ربحي هدفها يكون في رقابة مالية وقانونيه علي كل ايرادات ومصروفات الدولة. 2) بيختلفوا من حيث مبدأ الإستقلالية: المحاسبة المالية متفقه كليا مع المبدأ ده في كل شغلها، أما الحكومية بتهدف لإستقلال كل وحده حكومية عن التانية من جانب الإعتماد المالي (يعني كل وحده حكومية مستقله بفلوسها عن أي وحده حكومية تانية). 3) بيختلفوا من حيث التفرقه بين المصروف الإيرادي والمصروف الرأسمالي: – المصروف الإيرادي: هو المصروف اللي بيتم دفعه بشكل متكرر خلال السنة عشان تفضل الشركة شغاله ويكون في إنتاجية وبيحافظ علي كفاءة الأصول، والمصروف الإيرادي زي الصيانه والاجور والمرتبات وبيخص الفترة بس والمصروفات دي بتقفل في نهاية الفترة المالية. – المصروف الرأسمالي: هو المصروف اللي بيتم دفعه مره واحده بس عشان يزود الطاقه الإنتاجية للأصل وبيخص أكتر من سنة مالية وبيساهم في تحقيق الايراد لاكتر من سنة (يعني مش بيحمل لسنة واحده عكس الإيرادي) والمصروف الرأسمالي زي شراء أصول ثابت أو شراء قطع غيار أو حملة دعاية وإعلان بإختصار بيبقي طويل الأجل. الإختلاف بين المالية والحكومية بقي بيكون كالتالي: المحاسبة المالية بتفرق بين النوعين كويس فبتظهر المصروف الرأسمالي ضمن بنود قائمة المركز المالي والمصروف الإيرادي بيظهر في قائمة الدخل، أما المحاسبة الحكومية مش بتفرق بين النوعين دول وبتحط الأتنين في قائمة الدخل وده طبعا غلط كبير وهنا الحكومه بتقوم بتحميل مصروف المفروض يتحمل لكذا سنة تانية بتحمله لسنة واحد ودي مصيبة!. 4) بيختلفوا من حيث الإهلاكات: المحاسبة المالية بتقوم بحساب اهلاك للاصول الثابتة بطرق كتير منها طريقة القسط الثابت او طريق القسط المتناقص وغيرها عشان تحمل كل سنة بمصروف الاهلاك اللي بيخصها يعني بتوزع تكلفه الاصل علي عمره الانتاجي ( توزيع المصروف الراسمالي ) اما المحاسبة الحكومية مش بتقوم بحساب اهلاك للاصول الثابتة لان من الاساس مش بتفرق بين المصروف الراسمالي والمصروف الايرادي عشان بتضيف الاتنين في الحسابات الختامية (وده نتيجه طبيعية للسرقة). 5) بيختلفوا من حيث التسويات الجردية: المحاسبة المالية بتقوم بعمل التسويات الجرديه عشان تعرف حقيقة المركز المالي للشركة في لحظه معينة، اما المحاسبة الحكومية مفيش حاجه عندها اسمها تسويات جردية بس معناها في الحكومية اداري وتنظيمي للتاكد من سلامة الاصول. 6) بيختلفوا في مبدأ الحيطة والحذر: المحاسبة المالية بتطبق مبدأ الحيطة والحذر لمقابله اي خسائر متوقعة من خلال تكوين المخصصات والاحتياطيات بهدف المحافظة علي راس مال الشركة. اما المحاسبة الحكومية معندهاش راس مال عشان تحافظ عليه عشان كده مبدأ الحيطة والحذر مش موجود في الحكومية. ودول أهم نقاط الاختلاف بين المحاسبة المالية والمحاسبة يالحكومية، بس في حاجه انا قولتها في المقدمة ليه المؤسسات الحكومية مش بتستخدم المحاسبة المالية وبتستخدم المحاسبة الحكومية هقولك انا قولتهم في الاختلافات بس هقولهم تاني في شكل نقاط بسيطة: – المؤسسات الحكومية مش معترفه بمبدأ إستقلال الوحده المحاسبية. – مش عندها حاجه إسمها مبدأ الحيطة والحذر. – من الاخر كده المحاسبة الحكومية مش بتتفق مع المحاسبة المالية في المبادئ ولا الفروض وده اكبر دليل إن مفيش علاقه بين الاتنين عكس المحاسبات اللي نزلنا مقالات عنها قبل كده وإن المحاسبة المالية وأي فرع تاني بيكملوا بعض. تنوية: خلي عندك وجهة نظر في أي حاجة بتدرسها ده مش كلام نازل من السماء وأكيد هتلاقي فيه نواقص وعيوب متاخدش أي كلام بتدرسه صحيح بنسبة 100%. تنوية تاني: إنتبه جدا للتنوية الأولاني!!!!!. المقال لـ محمود حٌسني
