لو انا عندي فاتورة طلعتها لعميل من غير ضرايب عشان هو منطقة حره بمبلغ 55900 هل العميل له حق انه يخصم 0.5% و يديني 55620.5 ؟

طبعا لازم يخصم منك للنص فى الميه لو كان توريدات و%2 خدمات و%5 استشارات طالما انت خاضع لنظام الخصم والإضافة انا لو انت خاضع لنظام الدفعات المقدمة مبيخصمش بس من حقه أنه يطلع على إخطار المأمورية اللى انت تابع ليها بتطبيق نظام الدفعات المقدمة وده بيبقى كل سنة كمان لا تقلق المبلغ اللى هيتم توريده فى نموذج 41 للشركة المعفاة وهتستفيد منه وانت بتعمل إقرار ضريبة الدخل فى خانة مبالغ مسددة تحت حساب الخصم بيسموه خصم المنبع بس لازم تاخد اشعار خصم بالمبلغ ويكون فيه كل البيانات الضريبية كمان لازم تاخد صوره من سجله التجارى وصوره من ما يفيد اعفاؤه كذلك صورة بطاقته الضريبية وصورة شهادة القيمة المضافة لو خاضع للقيمة المضافة لان البيانات دى هتفيدك فى الفحص الضريبى وفى اخر السنة وانت بتعمل الإقرار او بيعمله المحاسب القانونى