كيف يمكن أن تعمل على صورة واقعية تماماً بالماكس؟ ماهي المتطلبات الأساسية؟

بص يا سيدي ..
صلي على النبي الاول ..
صليت ..
طايب الاول لازم نعرف اني المشهد الواقعي بيعتمد على كذا حاجة هم : اولا العناصر والمجسمات الموجودة في المشهد لابد ان تكون دقيقة وواقعية ومكتملة ..بمعنى ادق ..
لو انت عندك المبنى ناقص تفاصيل ..
او في عناصر ليست بالمقياس الطبيعي ..
او لديك مبنى وشارع ولا يوجد فرش وعناصر محيطة ..
فمتتعبش نفسك مش حتوصل للواقعية ..
وبالتالي ..
متبصش تحت ثانيا طالما بصيت تحت يبقى انت عديت النقطة الي فوق ..
مبروك ..
النقطة الي بعد كداه ..
الماتريل او الاكساء ..
مقصود بيها انك تدي كل عنصر انت حاطه اللون والملمس الي المفروض تشوفه في الطبيعة..
يعني متجيش مثلا تدي خامة زجاج لنخلة ...
مش طبيعي ..
كمان مش طبيعي اني النخلة كلها تبقى خضرة ..
كداه اوفر .
.
لو عملت كداه ..
متبصش تحت ..
ثالثا ..
انت طبعا كداه بصيت ..
يبقى انت عديت ..
مبروك برضه ..
طايب النقطة الي بعد كداه ..
هي الاضائة ..
ودي طبعا مش مكنتشي مظبوطة صح ..
مش عالية اوي ..
او ضعيفة اوي ..
وفنفس الوقت متوزعة صح ..
ولو مشهد خارجي مش كل الاضائة حترمي ظل ..
اساسا احنا عندنا على الارض شمس واحدة ..
لو انت عملتهم اتنين ..
العميل حيرحب بيك جدا ..
وحيعتبرك جاي من المجرة الي جنبنا ..
بس انا مبحبش الفضائيين ..
فلو انت منهم متنزلش تحت..
رابعا ..
اهلا بيك على كوكب الارض ..دي اخر نقطة ..
الرندر ..
المقصود بيها انك حتختار لقطة بواسطة كمرا من ناحية معينة ..
وتقوله انا عايز الصورة دي ..
طبعا في انواع كتير للرندر ..
بس اكتر واحد منتشر هو الفي راي ..
هو تقيل بس بيدي نتايج واقعية جدا ..
خلاص ..
منتزلش تحت بقى ..بس صوتلي ..
وضفني لو امكن ..
واحنا في الخدمة اي استشارة ..شغل ..
محسوبك سداد ...

اكفأ طريقة لعمل صورة "معمارية" اقرب ما تكون للواقع:1 - لازم يكون عندك renderer كويس، الـ Vray ممتاز ومنتشر وهتلاقى حاجات كتير ليه على الإنترنت.
الشرح على الـ Vray2 - ظبط وحدة القياس اللى الماكس بيشتغل بيها (مهم جداً) الشائع العمل بوحدة المتر (الوحدة الواحدة = ا متر).3 - عمل المجسمات Modeling الأساسية، واهم حاجة فى المرحلة دى مراعاة ان المقاسات والنسب تكون واقعية، الخمسة سنتيمتر بيفرقوا فى التصميم الداخلى مثلاً.
وللمزيد من الواقعية يجب مراعاة التفاصيل المؤكدة.4 - عمل مسطح بمساحة كبيرة اسفل المجسمات (داخلية او خارجية) يعمل كأرضية للمساعدة فى عكس الإنارة لأعلى وتوزيع الضؤ فى اللقطة بشكل واقعى.5 - إختيار اللقطات ووضع الكاميرات.6 - تشغيل الـ renderer وعمل material واحد لكل المجسمات الأساسية، يكون لون رمادى فاتح سادة بدون انعكاس او انكسار او شفافية للتمهيد لعمل الإنارة.
مع مراعاة ان تكون resolution الصورة قليل (800×600 او اقل) وتكون دقة الـ Vray قليلة كذلك لتسريع مرحلة التجربة.7 - عمل material تانى للزجاج لو اللقطة داخلية عشان يدخل ضؤ الشمس من الشبابيك والفتحات لداخل اللقطة.
ومحتاج يكون شفاف بدرجة كبيرة وفيه نسبة إنعكاس معقولة ومعامل انكسار قليل جداً ..1.01 رقم معقول (قريب من الهواء).8 - وضع وحدة الإضائة الرئيسية (الشمس لو اللقطة نهارية) ووحدات الإنارة الصناعية إذا وجد، وظبط لون الشمس وشدة الإضائة والظل.
وممكن إستخدام خامات فى راى المضيئة لزيادة الإنارة الغير مباشرة.9 - إستخدام الـ HDRI لعمل إضائة عامة واقعية.
يستحب إستخدام صورة HDRI غنية بالألوان حسب البيئة المطلوبة وليست لون واحد اساسى.10 - عمل إختبارات الإنارة وتظبيط ارقام الـ Vray.11 - يعد الوصول للإنارة الجيدة، يكون لدينا لقطة واقعية جداً لكن بدون خامات Material.12 - عمل الخامات Materials مع مراعاة محاكاة الخامات الطبيعية من إنعكاس وشفافية ولون وملمس الخ ..13 - عمل المجسمات الثانوية والمساعدة ( الفناكيش :-) )، تشجير وسيارات مثلاً لو لقطة خارجية، مجلات ولوحات حائط مثلاً لو لقطة داخلية.14 - عند الوصول لشكل مرضى وواقعى للقطات المختلفة، نبدأ فى الـ Render النهائى للقطات.15 - رفع الـ Resolution وكذلك دقة الـ Vray لعمل اللقطات النهائية.16 - ممكن حفظ الصور HDRI للمزيد من التظبيط بالفوتوشوب.
شكراً ومستعد لأى استفسارات :-)

يجب معرفة حجم الصورة و معرفة ما المقصود من ادخلها الى الماكس المتطالبات الاساسية يجب مراعاة الحجم و غيرها وذلك باستعمال فيراي اللذي يعتيها اكثر دقة واكثر واقعية