اسلوب البيع المقنع هو اقوى اسلوب بيع فى العالم ماهى خطواته؟؟

اسلوب البيع المقنع يعد من اقوى اساليب البيع فى العالم  عن طريقه يتمكن مندوب البيع من تحقيق اهدافه  عن طريق استخدامه اثناء قيامه بالزياره

خطواته

1- تلخيص الموقف  وفيها

أ- ظروف - ممكن تكون مكانية او زمانية او ظروف سوق

زى ما حضرتك عارف دلوقت ان المنافسه مبقتش بين الشركات وبعضها دى بقت بين المحلات وبعضها  لو تاخد بال حضرتك ان مابين كل محل محل (ظروف سوق )

زى ما حضرتك عارف دلوقت انك فى مكان مميز فى مصر الجديده  وجنبك مستشفى حكومية كبيره (ظروف مكانيه )

زى ما حضرتك عارف اننا فى فصل الصيف والناس كلها علطول بتخرج معظم الاوقات محدش طايق يقعد فى بيته بسبب الحر (ظروف زمانية )

اختار انت بقى الظروف اللى تخدم البيعه بتاعتك

ب - احتياجات العميل 

واللى انا اعرفه عنك انك من اقدم الناس اللى فتحت فى مصر الجديده واللى انا اعرفه عنك كمان انك بتحب تكسب زبون جديد وفى نفس الوقت بتحافظ على زبونك القديم وبتحب تزود مبيعاتك وارباحك

ج - فرص الاستفاده (عروض الشهر ) 

واللى يقول لحضرتك على شوية فرص اللى بيها تكسب زبون جديد وفى نفس الوقت تخليك تحافظ على زبون القديم تسمعله ؟؟

تبدأتقول العروض اللى موجوده معاك وتشارك العميل فى الورقه لجذب اهتمامه

د * عوائق  -الكلمه السحريه بتاعتها - بألامكانيات اللى تناسب حضرتك

2- تانى خطوه فى اسلوب البيع القنع (الفكره)

احنا بنبيع افكار يا جماعه 

تقول للعميل فكرتى ليك النهارده انى اكسبك1000 جنيه وكمان اكسبك زبون جديد لمحلك وبدل ما بتكسب من شركة بروكتور فى الزياره500  هخليك تكسب1000

3- كيفية تنفيذ الفكره 

فكرتنا دى هننفذها ازاى هنزلك1-  2-  3-  4-   

حاول تنفذ فكرتك بسرعه 

4 التأكيد على الفوائد 

تقول للعميل وبكدا نكون كملنا النواقص واستفدنا بالفرص والعروض فاتورتنا قيمتها2500 جنيه وعليها خصم او برنامج دعم  200 جنيه وهدايا عينيه بقيمة500 جنيه وخصم اضافى لحضرتك300 جنيه

5- الاغلاق الفعال 

وهنا بتقفل فاتورتك خالص  عشان متخليش العميل يعترض على اى حاجه من اللى قولتهاله وانت بتنفذ فكرتك

تقول للعميل انا نزلتلك من الصنف دا5 كراتين تحب نزود ولا كفاية ال5 

طبعا مفيش اى مندوب يقدر يشتغل بالاسلوب دا الا اذا كان محضر كويس اوووى قبل الزياره وعارف هو هيبيع ايه  وملم بأعماله كويس اوووى وعارف مميزات منتجه اوووى وعارف معلومات عن العميل بيحب ايه ومبيحبش ايه  

   1- تلخيص الموقف :

   الظروف الحاليه : ظروف السوق - موسم - منافسه بين المحلات

   احتياجات العميل : الربح - الشهره  - عدد زبائن أكتر

   العوائــــــــــــــق : اعتراض دائم للعميل (أذكر ما تستطيع حله)

   فرص الاستـفاده : لجذب انتباه العميل لكى ينصت لما سوف تقوله

  2 - الفكره : سهله وبسيطه وتلبى احتياجات العميل

  3 - كيفية تنفيذ الفكره : بداية البيع اللى يخلينا نحقق الفكره

  4 - اعادة التأكيد على الفوائد : ماذا سوف يحقق تنفيذ الفكر - أذكر (احتياجات العميل )

  5 - الاغلاق الفعال : انهى البيعه وكأن العميل موافق على ماقلته أواسأل سؤال لايكون رده بنعم أولا

الوصول لمرحله الاقناع مع العميل