ما الفرق بين محاسب له خبرة فى مجال كالمستشفيات مثلا ومحاسب اخر له خبرة فى مجال أخر كالسياحة او مصنع انتاجى او مجال المقاولات؟

أكيد في فرق في التعامل لان المحاسب في المستشفيات بيتعمل مع سجلات وبطريقة تسجيل تختلف عنها في الفنادق واالمصانع والسياحة

ببساطة 

 اولا المبادئ المحاسبية ثابته  لاتختلف ولا تتغير حسب نشاط الشركة 

ثانيا الفرق  هوه اطلاعك على المجال  او النشاط الذي عملت فيه واكتسابك خبرة فنية في التدقيق  وتحليل المدخلات

" فهم لنشاط الشركة وخبرة "

وهذا يعطيك افضلية عند التقدم  للعمل بشركة لها نفس النشاط  

الفرق في ان الخبرة المحاسبية المكتسبة في شركة ذات نشاط مماثل او اقرب الى حد ما من انشطة الشركة المعنية بالاختيار الفرق الذي قد يؤدي الى تمييز احدهما عن الاخر هو ان صاحب الخبرة في شركة ذات النشاط الاقرب من نشاط الشركة المقدم للعمل فيها لانه سيكون اكثر قدرة على استيعاب المهام واستيعاب دليل حسابات الشركة واعتقد ان صاحب الخبرة في شركة تجارية استيراد وتصدير قطع غيار سيارات مثلا سيكون مميز بخبرته لو تقدم للعمل في شركة استيراد وتصدير المواد الغذائية عن الاخرين الذين لديهم خبرة  في شركة سياحية او في مستشفى او في شركة صناعية..  

السؤال ده حلو اوى لان اجابته وقعتنى فى مقابلة قبل كدة ..صاحب المستشفى قالى حسابات المستشفى تختلف عن باقى الشركات اللى انت اشتغلت فيها وكانت اجابتى ..طالما ان الاساس موجود كل حاجة هتبقى سهله...والاجابة دى مش صح

الصح ان الحسابات هى هى فى اى منشأة الدائن هو الدائن والمدين هو المدين وطريقة القيود بتبقى حسب الحالة اللى قدامك المحاسبة هى المحاسبة والمحاسب هو المحاسب والقيود بتختلف من شركة للتانية 

اكيد فى فرق وعلى سبيل المثال الحاسب فى الفنادق بيختلف عن محاسب فى مزرعة مثلا كل نشاط لة مصروفاتة وايراداتة واهلاكتة الخاصة وكل محاسب بيشتغل فى نشاط معين بياخد خبرة

ان مبادئ المحاسبة كما ذكر جزء لايتجزأ وما هي الا ايام ومن خلال العمل تصبح امهر من غيرك في مكان العمل طالما انط تحب عملك وتخصصك

المحاسبه عموما لها نفس المبادئ - فالدائن موجود و المدين موجود والقيود موجوده- ولكن هناك فرق بين كل مجال و اخر - وكل مجال له ايراداته و مصروفاته - و كل مجال له ضرائبه - و كل له معاجات محاسبيه خاصه بنشاطه الخاص - و يفرق ايضا بينهم اشياء مثل المصاريف المقدمه و العهده و مشروعات تحت التنفيذ و بضاعه بالمخازن ( للبيع او الاستهلاك ) و - فكل مجال من المجلات مثل المقاولات او المستشفيات او السياحه او البترول او النشاط الصناعى او الزراعى او الضرائب له قيود محاسبيه و معالجه محاسبيه مختلفه عن النشاط الاخر - و لكن بمجرد العمل فى اى نشاط فانك تطبق النظام المحاسبى ما بين دائن و مدين - والعمل فى مجال منهم يكسبك خبرة المجال نفسه و تستطيع العمل فى اى مجال اخر لكن ليس بنفس الكفاءه فى البدايه

المحاسبة و المبادأ المحاسبية و احدة لا تتجزأ و لكن هناك معالجات قد تختلف من منشأة إلي أخري في طريقة تقيم المخزون و إهلاك الأصول و غيرها .. لذلك كنا ندرس في الكلية محاسبة المنشأة المتخصصة  ...

كل مجال يختلف عالاخر

اكيد في فرق واختلاف بين كل مجال واخر ولكن اعتقد ان اصحاب العمل بيزودوها في شرط خبرة في نفس مجال العمل لان اللي عنده خبرة في مجال يستطيع ان يعمل في غيره والعبرة بالذكاء والقدرة علي العمل والمهارات المكتسبة من الخبرة