ما هى الخطوات العلميه للنجاح فى حياتك العمليه ؟

موضوع مهم نتحدث عنه ايه هى الخطوات العلميه للنجاح فى حياتنا العمليه .اولا ان حياتنا العمليه نجاحها بيؤثر فى نجاح حياتنا بشكل عام .لان دا اللى فى الاخر بيدينا الثقه بالنفس .ودا اللى بيدينا الاحساس بالذات .ودا اللى بيدينا ايضا الدخل اللى بيغطى احتياجتنا الاساسيه واحتياجاتنا الرافاهيه .لو صحت العمليه دى بشكل قوى جدا .دا فى الاخر خالص بيصح فيها الحياه بشكل عام ..فخلينا نقول ان مفتاح نجاحنا فى حياتنا العمليه هو الاحتراف . الاحتراف دا عمليه كتير مننا بيبقوا فاهمين هو اتقان لعمل معين او حرفه معينه .ولكن فى الحقيقه دا بيبقي نص الطريق الى الاحتراف ..والنص التاني بيبقي ازاي تكتسب منه او تحصل منه على دخل تقدر تسد بيه احتياجاتك. اذن الاحتراف انهارده بيخلينا انا وانت وغيرنا كتير احنا فى سلعه فى سوق كبير اسمه سوق العمل مهاراتنا وخبراتنا وقدراتنا هي بتمثل السلعه بتاعتنا فدرجة ذيها ذي اي سلعه درجة اتقانك للعمل بتاعك يؤثر طبعا بشكل مباشر على تمن السلعه دى او سعر السلعه دى فى سوق العمل .هنبتدى نتعرف واحده واحده كده ايه هى القواعد العلميه اللى بتحكم ان احنا هنوصل الى اعلى درجة احتراف .علشان كلنا ان شاء الله نقدر نتقن عملنا بشكل كامل .وفي نفس الوقت نقدر نوصل منه لاعلى عائد من الدخل علشان كلنا ان شاء الله يكون لينا فرصه فى حياه كريمه وحياه سعيده يارب ان شاء الله علينا ...هنبتدى كده نلاقي ان خلق الدنيا مبني على الادوار هتلاقي كده ان كل انسان منا عنده دور معين او مجموعه من الادوار ليه مهمه معينه يقدر يعملها المهمه او الدور دا بيبقي نابع من طبيعته ذى ما احنا عارفين ان فى ناس ميولها علميه وناس ميولها ادبيه لو جيت تشرح لحد ميوله ادبيه او حد ميوله علميه عكس الميول بتاعته فى الاخر خالص بيبقي عنده صعوبه فى فهمها احيانا ساعات بيصاب الانسان بالملل او حد ليه سقف معين يقدر يعدى التخصص دا .الطبيعه دى هى اللى بتاثر فى ان انت تقدر تقوم بالدور بتاعك الطبيعه دى طبعا محدش بيتولد بيبقيى عنده القدره ان يقدر يقوم بالدور بتاعه فلازم يمر الاول بعملية تاهيل التاهيل دا بودينا ان احنا نقدر نقوم بانتاجيه معينه ذى ما اتفاقنا ان الانتاجيه دى ليها كم وجوده فلازم بقي هنا الانتاجيه دى تتحط بنظام من نظم الرقابه مش تكون الرقابه رقابه خارجيه ولكن تبقي رقابه ذاتيه قبل اى حاجه علشان اقدر اقيم ادائي علشان اقدر اعرف ايه نقاط القوه والضعف ..دا بيفرض علينا فى حالة استثمار مستمر ..الاستثمار دا علشان وصل فيه لاعلى عائد او لاعلى ارباح .يبقي لازم اختار العمل المناسب مع الطبيعه البشريه بتاعتى واؤهلهم بشكل مناسب داخل نظم قويه ..هنيجي نشوفها بشكل تانى خالص ان ازاي دا بياثر على استمرارك وعلى درجة اتقانك للعمل بشكل مستمر .اول حاجه لازم نعرف ان السوق طول الوقت فى تطور .يعني مثلا انهارده كان فى احتياج من او سنه ان الناس لازم تبقي عارفه بس كمبيوتر ولغه .دلوقتى فارضيه جديده ان مش بس عارف عارف كمبيوتر ولغه لا بيفترض عليك فارضيه جديده انك تبقي عارف Erps ..فى شركات كبتيره بتفرض عليك انك تبقي عارف تعرف ازاي تتعامل مع برامج ذى Erps او الاوركل او Sap .بجانب ان العلوم اصلا اللى احنا بنشتغلها بتطور عملية العلم نفسه بيتطور . فاانت لو مش قادر تحافظ على تطورك دا للاسف هيجيلك وقت السوق احتياجاته عدتك بكتير وانت لسه واقف فى مكانك ودا طبعا تهديد كبير وهنعرفه ازاي دلوقتى هتلاقي ان طبيعتك البشريه لازم طول الوقت تحافظ على تدريبها وتطويرها بالشكل اللى يتناسب مع احتياجات السوق اللى انت فيه علشان تقدر تقوم بالانتاجيه المطلوبه منك فى نظم رقابيه وتقييم للاداء علشان فى الاخر تقدر تعرف ايه هى نقاط القوه والضعف اللى بتغطيهم تانى وترجعهم بالتدريب والتطوير علشان اقدر استغل نقط قوتى بالشكل الامثل وفى نفس الوقت اغطي نقط ضعفى علشان متسببليش اي تهديد في حياتى العمليه .طيب لو العمليه دى مبتحصلش فدا معناه ان البيئه اللى حواليه هتتطور وانا هاكون غير متكيف مع البيئه دى فدا معناه ان عدم التكيف دا بيهددني فى الاخر خالص ان انا اكون بدون عمل .فلازم احافظ على العمليه بتاعة التطوير دي لان ذى ما اتفاقنا السوق سابقني بكتير فانا هافضل واقف مكاني دا معناه ان انا هاجي ابعت السي فى بتاعتي يترد عليه بالاعتذار اوقات تانيه كمان اروح انترفيو يترد عليه بالاعتذار . فانا طبعا علشان اطلع من الدايره دى واوصل ان شاء الله للنجاح فى حياتى العمليه بشكل كبير لازم طول الوقت احافظ على المعادله دى طيب ازاي اصلا بقي اختار مجال العمل المناسب ليه .. احنا كده خلاص عرفنا ان فى طبيعه فعلا لازم يتم تاهيلها ولازم اقوم بدور معين فانا ازاى اعرف الدور دا ...هلاقي ان لازم اعرف ان الانسان عنده عنده قدرات عقليه وحاله نفسيه هنلاقي ان قدراتنا العقليه دى بيبقي ليها3 قدرات مهمه جدا هى موجوده عند كل واحد مننا بس بنسب مختلفه هنلاقي ان فى ( العقل الرقمي - العقل التحليلي - العقل الخيالى ) كل واحد مننا عنده هذه القدرات بس بشكل مختلف اللى بتطغو عنده القدره من القدرات دى بشكل كبير على عقله فهى دى اللى بيتسمي عقله على اساسها هلاقي مثلا ان العقل الرقمي اصحاب العقل الرقمي هما بارعين جدا فى ان هما يقدروا ينقلوا صور ومهارات ورسايل ذى الناس مثلا اللى بتشتغل فى مجال المبيعات وذى الناس اللى بتشتغل فى مجال التعليم هو مثلا المعلم عنده منهج معين بيقدر ينقل المنهج دا لناس تانيه ويفهمهم كل حاجه فى المنهج دا بشكل قوى جدا فطبعا اللى عقله رقمي يقدر يعمل دا بكل سهوله ويبقي شغله ممتع جدا بالنسبه ليه ..كمان الناس بتاعة خدمة العملاء او الدعم الفني اللى انت بتتصل بيه بتقوله عندي مشكله وهو يقدر يستدعي البيانات ويقدر يشرحهالك بالشكل المناسب اللى انت تقدر تحل بيه المشكله دى فى الاخر ان الشخص دا لو عقله رقمي مستمتع جدا بشغله .العقل التحليلي هو الناس اللى بتقدر تشتغل فى جمع البيانات و جمع الارقام والتعامل معاها وان يقدر يستنتج منها نتائج معينه ذى شغل الحسابات ذى شغل ابحاث التسويق الاتش ار طبعا كل قدره من القدرات دى بيتناسب معاها مجموعه كبيره من الوظائف . هنلاقي كمان قدرة العقل الخيالى ذى مثلا الناس اللى بتبدع اوى ذى مجال الدعايه والاعلان ذى التاليف الرؤئي ذى التاليف السينمائي الناس اللى بتشتغل فى مجالات الجرفيك ذى مجال الكتابه ايضا فالعقل الخيالى بيوله جزء مهم اوي للابداع طبعا مش قدراتنا العقليه بس اللى بتاثر فى عملنا المناسب دا بيتقاس على حسب حالتى النفسيه وعلى حسب قدرات تانيه بتبقي نفسيه عندى هاخدها الاول قدرتي على التعامل مع الروتين هل انا انهارده عندى القدره على التعامل مع الروتين ولا فى ناس تانيه تقولك اديني خطوات معينه اقدر امشي عليها وانا مافيش عندى مشكله اقدر اعملها الف مره واطلع منها انتاجيه قويه جداا فى ناس تانيه تقولك انا عايز يبقي شغلي متجدد .. كمان قدراتك على بذل المجهود البدني فى ناس تقولك انا هايبر اكتف لو قعدت على مكتب كانك بتقتلني لا انا عايز انزل واتحرك وطول الوقت ابقي فى حركه مستمره ..هتلاقي واحد تانى يقولك ابعدني تماما عن المجهود البدنى دا انا عايز افضل طول الوقت قاعد على مكتب وبقوم بعمل معين فاانت على حسب طبيعتك .. كمان الثقه بالنفس فى ناس تقدر تفتح فعلا اسواق جديده وتتعامل مع ناس غريبه فى ناس تانيه مش بيبقي عندها دا فى ناس مثلا طول الوقت مش بيقدر يبص فى عينك وهو بيكلمك .كل واحد من الناس دي بيقي على حسب قدراته العقليه بنقدر نوفرله الوظايف المتناسبه مع قدراته ومع حالته النفسيه .طيب انهارده انا لو مش قادر اشوف دا وغالبا انت مش هتقدر تشوفه لوحدك لازم حد متخصص . انت ممكن تعرف ايه قدراتك  بس متعرفش ايه الفرص المتاحه الموجوده بالنسبه لك فى السوق . حتى كمان قياسك لقدراتك لازم يبقي من خلال اختبارات متخصصه فى علم النفس تقدر تقدر تورينا دا بشكل واضح وقوى علشان فى الاخر خالص نقدر نقولك المجال الفلاني ازاى تبدا فيه كمان انهارده لو انت مش قادر تعمل دا ممكن تروح لحد متخصص يبتدى يساعدك فى ان انت تعرف ايه طبيعتك علشان فى الاخر خالص لو قدرت تعرف طبيعتك هتقدر توجد العمل المناسب ليها اللى تقدر تستوعبه وتقدر تحافظ على تطورك فيه اللى بيوصلك فى الاخر الى عملية الاحتراف اللى هى اتقان العمل والوصول الى اعلى عائد تقدر تغطي بيه احتياجاتك الاساسيه .. طيب انهارده بعد ما بختار العمل المناسب ليه لازم ازاي اعرف البادايه والاستمرار المحترف انهارده طبعا لازم ابقي عارف كل الاسس طبعا احنا عارفين ان مافيش روشته تقدر تعالج كل الامراض .. احنا هنتكلم على الاساسيات هنلاقي ان كل الوظائف عندنا فيها المستوي المبتدئ والمستوي الخبير ما بينهم مستويات وظيفيه كتير جدا علشان ابدا فى اى واحد من دول بيتاثر دخولى للمستوى الوظيفي دا من خلال ( القدرات - الخبرات - المؤهلات ) بلاقي ان انا علشان ابتدئ فى اى مستوي وظيفي بعتمد على مجهود بدني مائه فى المائه يعني مثلا بيبقي عندى واخد كورس معين بس مفتقد تماما الخبره العمليه مقدرش احل مشكله لو قابلتني فى الشغل لوحدي لازم طول الوقت بيبقي عندي خبره تطبيقيه عمليه علشان اقدر احل مشكله  فالاول ابذل مجهود كبير جدا علشان اقدر اطبق فى الشغل بتاعى واقدر اتعامل فيه فى الجانب التطبيقي اللي بيديني الخبره العمليه بعد كده ودا معناه حاجتين ان اول حاجه ان لازم استمر فى تخصص بعينه ماينفعش اتنقل من تخصص الى تخصص لان فى الاخر خالص ان لوما عنديش الخبره المتراكمه مش هاقدر اوصل الي مستويات وظيفيه اعلى بفضل طول الوقت فى المستوى المبتدئ طيب دا خطر جداااا لان هلاقي عندى ان انا بكبر فى السن ومع تقدم العمر قدرتي على بذل المجهود البدني وتحمل الضغوط بتقل فدا معناه ان انا بعد فتره لو انا فضلت قابل ان انا اتنقل من وظيفه الى وظيفه المستوي المبتدئ بعديها بفتره المستوي نفسه هو اللى هيرفضني هلاقي مثلا ان فى وظائف كتير محتاجين محاسب اقصى سن سنه ليه لان هما عارفين المعادله دى .. لازم تحافظ على تطورك فى مجال عملك وان انت تكون فعلا مستعد ان انت تكبر وتطلع من مستوى المبتدئ دا فدا بيتحول الى تهديد عالى جدا فى مسارك المهنى لو انت مقدرتش تكبر وتطلع ...طبعا طول ما بنكبر بيقابلنا تحديات يعني لازم انهارده علشان اكبر بقي من المستوى المبتدئ واوصل الى مستوي الخبير من مستويات العمل المختلفه فدى بيقابلني فيها تحديات ... التحديات دى مع نظر لعلم فى الاداره اسمه علم ادارة الازمه اي ازمات بتقابلنا قالوا ان الحل الامثل ليها ان انت تقدر تشوف الازمه ايه قبل ما تحصل وتقدر تحلها قبل ما تحصل الازمه فلو حليتها قبل ما تحصل دى بتبقي افضل طريقه لاادارة اى ازمه فى الدنيا ...يعني معنى كده ان انا لازم اكون التحديات والازمات اللى ممكن تقابلني دي لازم يكون عندى طرق لااستشعارها عن بعد اشوف ازاي السوق بيتطور المستويات الوظيفيه الاعلى دي محتاجه منى ايه ايه خبراتي العمليه ايه مؤهلاتي ايه قدراتي اللى انا محتاج اطورها وكمان اطورها ازاي ليه لان دا كمان لو محصلش فتتحول التحديات دى الى تهديدات التهديدات دى ممكن توقفني ان انا مقدرش الاقي شغل ان احتياجات السوق بتعديني بكتير وانا لسه واقف مكاني ...